Մեր մասին

ՎԵԳԱ ընկերության գործունեությունը սկիզբ էր առել 2003 թվականի նոյեմբեր ամսին, երբ Երևանի Թումանյան փողոցում բացվեց ընկերության առաջին խանութը՝ ընդամենը 190 ք.մ. տարածքով: Ունենալով սահմանափակ միջոցներ՝ ՎԵԳԱ ընկերությունը հաջողությամբ կատարեց իր առաջին փորձերը մրցակցության մեջ մտնել շուկայում արդեն իսկ խոշոր գործունեություն ծավալած հայտնի ցանցերի հետ:

Դեռ իր 5-ամյակը չլրացած, բայց արդեն իսկ իրենից խանութների ցանց ներկայացնող ՎԵԳԱ ընկերությունը բախվեց 2008 թվականի համաշխարհային ֆինանսական ճգնաժամին: Գլոբալ ճգնաժամի դեմ պայքարում ՎԵԳԱ ընկերությունը սկսում է կիրառել բիզնեսի օպտիմալացման առավել արդյունավետ մեթոդներ, որոնց հիմքում ընկած է աշխատանքի էֆֆեկտիվության բարձրացումը:

Հենց այդ ժամանակաշրջանում՝ 2009 թվականի ամռանը, ՎԵԳԱ ընկերության կողմից ստեղծվում և ներդրվում է կառավարման սեփական յուրօրինակ համակարգչային ծրագիր, որի շնորհիվ մինչ օրս ընկերությունը առցանց ռեժիմում վերահսկում է ինչպես ապրանքային շրջանառությունը, այնպես էլ ֆինանսական հոսքերը: Արդեն իսկ 2010 թվականից ՎԵԳԱ ընկերությունը սկսում է իր գործունեության կայուն առաջընթացը, որի տեմպերը աճում են տարեցտարի:

Այսօր ՎԵԳԱ ընկերությունը ամենախոշոր ցանցն է Հայաստանում, որը ներկայացնում է էլեկտրոնիկայի, կենցաղային և համակարգչային տեխնիկայի, որակյալ կահույքի, դռների և պատուհանների, ջահերի և լուսամփոփների, տեքստիլ արտադրանքի, բարձրակարգ ներքնակների, տնային պարագաների, կենցաղային և պրոֆեսիոնալ գործիքների, ինչպես նաև ավտոմեքենաների պարագաների, հեծանիվների և մանկական մեքենաների վաճառքը:

» Միջազգային լոգիստիկա. ՎԵԳԱ ընկերության կազմում են նաև լոգիստիկ հանգույցներ Արաբական Էմիրություններում, Վրաստանում և Չեխիայում:

» Հիպերմարկետներ. Երևանում ՎԵԳԱ ընկերությունը ներկայացնում է տարածաշրջանի ամենամեծ հիպերմարկետները Նոր Նորքի, Արաբկիրի և Մալաթիա-Սեբաստիա վարչական շրջաններում:

★ «TOP 50» ԽՈՇՈՐ ԿԱԶՄԱԿԵՐՊՈՒԹՅՈՒՆՆԵՐԻ ՑԱՆԿՈՒՄ

Լինելով իր ոլորտում բացարձակ առաջատար՝ դա բազմակի անգամ հաստատվել է այնպիսի վստահելի միջազգային կազմակերպությունների կողմից, ինչպիսիք են GfK-ը և Gallup International-ը: «Գելլափ Ինթերնեյշնլ Аսոցիացիայի» ներկայացուցիչ «Էմ Փի Ջի» ընկերության հարցումների արդյունքում «ՎԵԳԱ» ընկերությունը 7-րդ տարին անընդմեջ ճանաչվեց ԼԱՎԱԳՈՒՅՆԸ երկու անվանակարգերում.

• Տարվա լավագույն էլեկտրատեխնիկայի խանութների ցանց
• Տարվա լավագույն կահույքի խանութների ցանց

✓ Միջազգային գործընկերներ. Հարկ է նշել, որ ընկերության բուռն գործունեությունն ու կայուն աճը անհնարին էին լինելու առանց հուսալի գործընկերների, որոնց շարքում են՝ LG, SAMSUNG, SONY, CANON, DeLonghi, GA.MA, ELECTROLUX, HANSA, BOSCH, KARCHER, SKYWORTH, HUAWEI և ավելի քան 120 հայտնի ապրանքանիշեր:

✓ Ֆինանսական գործընկերներ. Ընկերությունը երախտապարտ է նաև իր կողքին տարիներ շարունակ քայլող հայաստանյան գործընկերներին՝ մասնավորապես բանկերին և վարկային կազմակերպություններին՝ INECOBANK, UNIBANK, ACBA-CREDIT AGRICOLE, ВТБ, ՀԱՅԷԿՈՆՈՄԲԱՆԿ, ԱՐՑԱԽԲԱՆԿ, AMERIABANK, CONVERSEBANK, ARDSHINBANK և EVOCA BANK:

Ասելով ՎԵԳԱ՝ մենք առաջին հերթին հասկանում ենք ընկերությանը նվիրված առավել քան 1500 աշխատակից տարբեր ստորաբաժանումներից (տնօրեններ, խորհրդատուներ, մենեջերներ, լոգիստներ, ծրագրավորողներ և այլն): Այդ բոլոր մարդկանց քրտնաջան աշխատանքի շնորհիվ է, որ ՎԵԳԱ ընկերությանը հաջողվում է պահել առաջատար դիրքերը շուկայում:

Իր գործունեության ընթացքում ընկերությունը հավատարիմ է մնում իր ստանձնած սոցիալական առաքելությանը և պարբերաբար մասնակցում բարեգործական ու էկոլոգիական նախագծերի: ՎԵԳԱ-ի առաջնահերթ նպատակն է հանդիսանում Հայաստանի սոցիալական վիճակի բարելավման աջակցումը, որի նպատակով ընկերությունը պարբերաբար ավելացնում է իր աշխատատեղերի քանակը:

Բայց այս ամենը անհնարին կլիներ առանց մեր բոլոր հավատարիմ հաճախորդների, ովքեր արդեն 22 տարի շարունակ վստահում են մեր ընկերությանը: