էլեկտրոնային թափոնների հավաքագրում ‼️

Տեղեկացնում ենք, որ եղանակային պայմաններից ելնելով էլեկտրոնային թափոնների կառավարմանն ուղղված էկոլոգիական ծրագրի մեկնարկը կտրվի մայիսի 30-ին։

- Տևողությունը՝ 3 շաբաթ

✅Առաջին հանդիպումը տեղի կունենա հունիսի 6-ին՝ ժամը 14։00-16։00-ին, Մհեր Մկրտչյանի հրապարակում (Մերգելյան ինստիտուտի այգու հարևանությամբ)

Կարևոր տեղեկություն․ ովքեր կմասնակցեն այս նախաձեռնությանը, կստանան 10000 դրամի վաուչեր ELECTROLUX խոշոր կենցաղային տեխնիկա գնելու համար։

Ծրագրի նպատակն է կարճ ժամանակում ապահովել էլեկտրոնային թափոնների վերահսկելի ու տեսակավորված հավաքագրում Երևանի հասարակական վայրերում։

-  Կազմակերպիչներ՝ Երևանի քաղաքապետարան, Փարիզի տարածաշրջանային ինստիտուտ (L'institut Paris Region), AFD, Région ile de France և Վեգա: 

Հատուկ կահավորված կետերում տեղադրվելու են 4-ից 5 տեսակավորման արկղեր՝ յուրաքանչյուրն իր ճշգրիտ նշանակությամբ։

Նախատեսվում է ընդունել հետևյալ տեսակի էլեկտրոնային թափոններ՝

✅Մարտկոցներ

✅Բջջային հեռախոսներ

✅Խոհանոցային սարքեր (ներառյալ միկրոալիքային վառարաններ)

✅Այլ փոքր չափսի էլեկտրոնային իրեր

Նշենք նաև, որ տեղում մշտապես ներկա կլինեն հատուկ պատրաստված աշխատակիցներ՝ օգնելու և վերահսկելու թափոնների ճիշտ դասակարգման և փոխանցման գործընթացը։

Մենք հավատում ենք, որ պատասխանատու վերաբերմունքը շրջակա միջավայրի նկատմամբ սկսվում է փոքր քայլերից։ Այս նախաձեռնությունը ևս մեկ քայլ է դեպի մաքուր քաղաք և գիտակից հասարակություն։