Հարգելի հաճախորդներ և գործընկերներ!

Ուրախ ենք տեղեկացնել Ձեզ, որ ՎԵԳԱ ընկերության ղեկավարությունը պատասխանատու որոշում է կայացրել. 2019 թ-ին ՉՏՊԱԳՐԵԼ Վեգա ապրանքանիշով թղթե պատի և սեղանի օրացույցներ և այս նախաձեռնության արդյունքում խնայված բոլոր ֆինանսական միջոցները օգտագործել Հայաստանի եզակի բնության պահպանության և կանաչ տարածքների (անտառների, զբոսայգիների, պուրակների և այգիների) համալրման համար:

Մենք այս որոշումը համարում ենք իսկապես պատասխանատու, անհրաժեշտ, օգտակար և ժամանակին` հետևյալ փաստերի հիման վրա.

  •  վիճակագրության համաձայն 1 տոննա թղթի արտադրությունը բնությունը աղքատացնում է 17 մեծ ծառով + 26,500 լիտր մաքուր ջրով + 680 լիտր նավթամթերքով, 
  • ՎԵԳԱ ընկերության և «ԷՅ ԹԻ ՓԻ» բարեգործական հիմնադրամի (Հայաստան Ծառատունկ Ծրագիր) միջև գործում է համաձայնագիր՝ Հայաստանում տարեկան լրացուցիչ 1000 ծառ տնկելու մասին,
  •  ՎԵԳԱ ընկերությունը իրեն դիրքավորում է որպես սոցիալապես պատասխանատու ընկերություն: Մենք աջակցում և ներդնում ենք «կանաչ» տեխնոլոգիաներ, իրականացնում ենք վտանգավոր թափոնների (մարտկոցներ և այլն) հավաքման-պահպանման-վերամշակման ակցիաներ, ինչպես նաև ֆինանսական և տեխնիկական աջակցություն ենք ցուցաբերում տարբեր բնապահպանական կազմակերպություններին և  էկոլոգիական ծրագրերին,
  • մեր թիմը ուղղակի կամավոր մասնակցություն է ունենում սոցիալական և բնապահպանական տարբեր ծրագրերի իրականացմանը. օգնություն ենք տրամադրում կարիքավոր երեխաներին և սոցիալապես անապահով ընտանիքներին, խթանում և աջակցում ենք «Մաքուր Հայաստան» (Cleanup Armenia), Eco aghb և այլ նմամատիպ  ակցիաները,
  • մենք ստեղծել ենք Facebook- ում Vega Green Club-ի էջը և ակտիվորեն նպաստում ենք էջի ճանաչելիության բարձրացմանը: Vega Green Club-ը բաց է հաղորդակցության և մտքերի փոխանակման համար, որտեղ ՎԵԳԱ-ն հրավիրում է իր բոլոր ընկերներին, համակիրներին և կողմնակիցներին:

Ուստի ՎԵԳԱ-ն  դիմում է Ձեզ.

Ա. Հայտարարությամբ. 2019 թ.-ին, չենք ակնկալում թղթի օրացույցներ մեզանից, նրանց փոխարեն նոր ծաղկուն ծառեր կլինեն: ՎԵԳԱ օրացույցը անպայման կլինի, սակայն սոցիալական ցանցերում և էլեկտրոնային տարբերոկով,

 

Բ. Կոչով. Միացեք մեր նախաձեռնությանը, միացեք Vega Green Club- ին  և մենք միասին կստեղծենք երջանիկ ապագա մեր երեխաների և ապագա սերունդների համար: