Հարգելի հայրենակիցներ

Սիրով տեղեկացնում ենք Ձեզ, որ ՎԵԳԱ ընկերությունը հավատարիմ մնալով իր որդեգրած սոցիալական քաղաքականության սկզբունքներին լուրջ աջակցություն է ցուցաբերում Հայաստանում լավ գաղափարների և հայանպաստ տարբեր նախագծերի իրագործմանը:

Մեր  կողմից գրեթե երկու տարի է ինչ հատուկ ուշադրության և հոգատարության կենտրոնում են գտնվում սիրիահայ շատ ընտանիքներ:

Եվ 2019թ. Ամանորի նախատոնական շրջանում ՎԵԳԱ-ն ձեռնարկեց ևս մեկ եկամուտ չհետապնդող սոցիալական նախագիծ, որի իրագործման ընթացքում առաջացած բոլոր դրամական մուտքերն ուղվում են տվյալ նախագծի զարգացմանը:

ՀՀ սփյուռքի նախարարության և  «ՀԱԼԵՊ» հայրենակցական բարեսիրական ՀԿ-ի հետ համատեղ կազմվեց ձեռագործ աշխատանքներ կատարելու ցանկություն հայտնած սիրիահայ կանանց ցուցակ, որի հիման վրա ՎԵԳԱ-ն նրանց համապատասխան աշխատանքներ առաջարկեց:

Մեր դիզայներների կողմից մշակված նմուշների հիման վրա նրանք  ՎԵԳԱ-ի կողմից տրամադրված էկոլոգիապես մաքուր հումքից և նյութերից պատրաստում են Նոր տարվա տոնական շունչ ու տրամադրություն հաղորդող զանազան գունեղ իրեր՝ ձնեմարդ, տոնածառ, կախազարդ, մագնիսով փայտե հուշանվեր և այլն:

Նախագծի առանցքում, սիրիահայերին աշխատանքով ապահովելու կենսական հարցի լուծումն է, իսկ դրան զուգահեռ մի այնպիսի միջավայրի ստեղծումը, որտեղ պատերազմի սարսափներից գաղթած մեր հայրենակիցները իրենց կզգան լիարժեք ու հանրությանը պիտանի, օգնել նրանց արագ և արդյունավետ ինտեգրվել հայ հասարակության մեջ:

Հնարավորություն ընձեռվեց նաև, որ այս աշխատանքով ապահովված լինեն բոլոր այն սիրիահայերն, ովքեր ունեն հաշմանդամություն կամ հենաշարժողական ապարատի խնդիրներ:

Եվ եթե խոսքը վերաբերվում է ձեռագործ աշխատանքներին, ապա վստահ եղեք, բոլորս էլ գիտենք՝ այդ գործում իրենց գերազանցող չունեն հենց սիրիահայ կանայք, քանզի գոյություն ունի մի ասացվածք, որին համաձայն Աստծուց տրված այդ պարգևն իրենց է հասել արյան և հավատքի միջոցով, որովհետև հայ կանայք սովորել և զբաղվել են ձեռագործությամբ և ասեղնագործությամբ սերնդեսերունդ:

Գնելով ՎԵԳԱ սրահներից կանացի բարի ձեռքերով պատրաստված տոնական խաղալիքներն ու հուշանվերները կարող եք վստահ լինել, որ յուրօրինակ ու անկրկնելի իրեր ձեռքբերելու հետ մեկտեղ դուք նաև օգնում եք շատ սիրիահայ ընտանիքների ունենալ աշխատանք և նոր հեռանկարներ ստեղծում այդ ընտանիքների համար:

Մենք բաց ենք համագործակցության համար և պատրաստ ենք օգնության ձեռք մեկնել, եթե կգտնվեն սիրիահայեր, ովքեր կցանկանան միանալ մեր այս նախագծին և դառնալ ՎԵԳԱ թիմի անդամ:

Սույն տեղեկատվական նյութը հասանելի է ՎԵԳԱ պաշտոնական կայք՝ www.vega.am և ֆեյսբուքյան էջեր՝ @vegaworldllc, @VegaHomeAndFurniture, @VegaGreenClub այցելողների համար:

 

 

ՎԵԳԱ-ն սրտանց շնորհավորում է Ձեզ. Նոր 2019 տարում ցանկանում ենք Ձեր ընտանիքներին երջանկություն, խաղաղություն, առողջություն, բարեկեցություն, նորանոր հաջողություններ և նվաճումներ.