ԵԱՏՄ երկրների համար տարածաշրջանային «Միասին պայծառ է» ամենամյա փառատոնն առաջին անգամ տեղի ունեցավ Հայաստանում:

ԵԱՏՄ երկրների համար տարածաշրջանային «Միասին պայծառ է» ամենամյա փառատոնն առաջին անգամ տեղի ունեցավ Հայաստանում: 
Հունիսի 15-ին Վանաձոր քաղաքի Հայքի հրապարակում անցկացվեց ՙՄիասին պայծառ է՚ միջազգային փառատոնը, որը կազմակերպված էր ՄԱԿ-ի Զարգացման ծրագրի հայաստանյան գրասենյակի և ՀՀ տարածքային կառավարման և ենթակառուցվածքների նախարարության կողմից: Փառատոնի նպատակն է հանրության շրջանում Էներգաարդյունավետության վերաբերյալ իրազեկվածության մակարդակի բարձրացումը, երիտասարդների շրջանում էներգաարդյունավետության, էներգախնայող տեխնոլոգիաների և վերականգնվող էներգետիկայի նկատմամբ ճանաչողական հետաքրքրության  և ստեղծագործական մտքի խթանումը, ինչպես նաև դպրոցականների և երիտասարդների շրջանում շրջակա միջավայրի պահպանման նկատմամբ ակտիվ դիրքորոշման ձևավորումը: ՙՎեգա՚ ընկերությունը հանդես էր եկել որպես փառատոնի գլխավոր գործընկեր և ներկայացել էներգախնայող ապրանքատեսակներով համալրված տաղավարով: Փառատոնի մասնակից երեխաների համար ՙՎեգա՚ ընկերությունը պատրաստել էր բազում հետաքրքիր արժեքավոր նվերներ: