«ՎԵԳԱ» ընկերությունը LG Electronics-ի հետ կնքել է նոր պատմական պայմանագրեր

Առաջին պայմանագրով նախատեսվում է ապահովել LG ապրանքանիշը կրող էլեկտրատեխնիկայի վաճառքների կտրուկ աճ հայաստանյան շուկայի B2B2C սեգմենտում (փոքր և միջին բիզնեսում ժամանակակից և բարձրորակ կենցաղային տեխնիկայի կիրառում), իսկ մյուս պայմանագրի համաձայն՝ «ՎԵԳԱ»-ն պարտավորվում է աննախադեպ, ավելի քան յոթ անգամ (2019թ. համեմատ 709%-ով), ավելացնել Հայաստանի տարածքում LG աուդիոտեխնիկայի վաճառքները:
Պայմանագրերը LG Electronics-ի անունից ստորագրել են ընկերության բարձրաստիճան ղեկավարներ՝ պարոնայք Hong Ju Jeon-ը – President of LG Electronics Gulf, James Lee-ն – MEA Region Representative/President և Jin Kook Kang-ը – AV Sales & Marketing Division Leader, իսկ «ՎԵԳԱ» ընկերության անունից՝  Կոմերցիոն տնօրեն Արմեն Մկրտչյանը:
Տվյալ պայմանագրերի ստորագրման փաստը մեծ առաջընթաց է «ՎԵԳԱ» և LG Electronics ընկերությունների միջև երկարատև և փոխշահավետ համագործակցության զարգացման ուղղությամբ, նոր պատմական էջ,  ինչպես նաև լավագույն վկայությունը, որ LG Electronics-ի համար «ՎԵԳԱ» խանութների ցանցը հանդիսանում է ամենախոշոր,  հեռանկարային և գլխավոր գործընկերը Հայաստանում: 
Լուսանկարում՝ պայմանագրերի ստորագրման արարողությունից անմիջապես հետո