«ՎԵԳԱ» ընկերություն՝ նպաստում և օգնում ենք իրականացնել ծառատունկի ծրագրեր Հայաստանում

«ՎԵԳԱ»  ընկերության և «ԷՅ ԹԻ ՓԻ» բարեգործական  հիմնադրամի  միջև հաստատվել է երկարատև համագործակցություն, որի արդյունքում Հայաստանում տարեկան կտնկվի լրացուցիչ 1000 ծառ: 
Համայնքային  ծառատունկ ծրագրի և համագործակցության  պայմանագրի  շրջանակներում՝  2019թ.  ապրիլի 12-ին սկիզբ առավ  հերթական  համատեղ  ծառատունկը: Իրականացված աշխատանքների շնորհիվ Ստեփանավանի լճի տարածքում գտնվող 42,6 հա «ԷՅ ԹԻ ՓԻ»-ի անտառը համալրվեց հարյուրավոր նոր ծառերով: 
«ԷՅ ԹԻ ՓԻ»  մասնագետների և համայնքի բնակիչների հետ մեկտեղ ծառատունկին ակտիվ մասնակցություն ունեցան Տաշիրի  և Ստեփանավանի  «ՎԵԳԱ»  խանութ-սրահների աշխատակիցները՝ տնկելով ավելի քան 100 վայրի տանձի ծառեր:   
 «ՎԵԳԱ»  ընկերության կարևորագույն նպատակներից մեկն է պահպանել Հայաստանի բնությունը, շրջակա միջավայրն ու բնական էկոհամակարգը մեզ և մեր ապագա սերունդների համար: 
Ավելի տեսանելի՝  կից  ֆոտոշարում.