ՎԵԳԱ ընկերության գործունեությունը սկիզբ է առել 2003 թվականի նոյեմբեր ամսին, երբ Երևանի Թումանյան փողոցում բացվեց ընկերության առաջին խանութը:

2010 թվականից ՎԵԳԱ ընկերությունը սկսում է իր գործունեության կայուն առաջընթացը, որի տեմպերը աճում են տարեցտարի:

Այսօր ՎԵԳԱ ընկերությունը ամենախոշոր ցանցն է Հայաստանում, որը ներկայացնում է էլեկտրոնիկայի, կենցաղային և համակարգչային տեխնիկայի, որակյալ կահույքի, տեքստիլ արտադրանքի, գործիքների, տնային պարագաների, ինչպես նաև հեծանիվների, գրենական պիտույքների և խաղալիքների վաճառքը:

Ընկերությունը ներկայանում է իր սպառողին 21 հիպերմարկետներով և խանութ-սրահներով, որոնցից 8-ը գտնվում են Երևանում և 13-ը հանրապետության այլ քաղաքներում, որոնցից են՝ Գյումրին(2 խանութ), Վանաձորը, Սպիտակը, Հրազդանը, Գավառը, Արտաշատը, Կապանը, Տաշիրը, Սիսիանը, Մեղրին, Ստեփանավանը և Իջևանը:

ՎԵԳԱ ընկերության կազմում են նաև լոգիստիկ հանգույցներ Վրաստանում (VEGA GEORGIA), Արաբական Էմիրություններում (Vega Gulf FZE) և Չեխիայում (INTINCOM CZ S.R.O.) :

Վաճառասրահների ընդհանուր տարածքը կազմում է առավել քան 30 000 ք.մ.:

Երևանում ՎԵԳԱ ընկերությունը ներկայացնում է տարածաշրջանի ամենամեծ հիպերմարկետները՝ Նոր Նորք և Մալաթիա-Սեբաստիա վարչական շրջաններում:

Այս պահին ընկերությունն իր սպառողներին է ներկայանում ավելի քան 20 000 անվանում ունեցող ապրանքատեսականիով՝ աշխարհահռչակ արտադրողներից:

Լինելով Հայաստանի «TOP 50» խոշոր կազմակերպությունների ցանկում այսօր ՎԵԳԱ ընկերությունը հանդիսանում է իր ոլորտում բացարձակ առաջատար: Դա բազմակի անգամ հաստատվել է այնպիսի վստահելի միջազգային կազմակերպությունների կողմից, ինչպիսիք են GfK-ը և Gallup International-ը:

 

Մեր թիմը

Ասելով ՎԵԳԱ՝ մենք առաջին հերթին հասկանում ենք, ընկերությանը նվիրված առավել քան 1000 աշխատակից տարբեր ստորաբաժանումներից: Այդ բոլոր մարդկանց քրտնաջան աշխատանքի շնորհիվ է, որ ՎԵԳԱ ընկերությանը հաջողվում է պահել առաջատար դիրքերը շուկայում:

 

Ընկերության հիմնադիր և ղեկավար կազմը

Ընկերության հիմանադիր, խորհրդի նախագահ և գլխավոր տնօրեն՝ Յուրի Աֆրիկյան

 

Խորհրդի անդամներ.

Գործադիր տնօրեն՝ Մարինե Պողոսյան

Մարքեթինգի և զարգացման բաժնի պետ՝ Արթուր Չոբանյան

Մեծածախ առևտրի բաժնի պետ՝ Սամվել Ղազարյան

Կոմերցիոն բաժնի պետ՝ Արմեն Մկրտչյան

Տրանսպորտի և լոգիստիկայի բաժնի պետ՝ Արմեն Գալստյան

Վարկավորման բաժնի պետ՝ Արման Սարգսյան

Ֆինանսական տնօրեն՝ Սիմոն Դավթյան

 

Մեր առաքելությունն ու նպատակները

ՎԵԳԱ ընկերության առաքելությունն ու առաջնահերթ նպատակն է հանդիսանում՝ Հայաստանի սոցիալական վիճակի բարելավման աջակցումը, որի նպատակով ընկերությունը ձգտում է մոտակա ժամանակներում հասցնել իր աշխատատեղերի քանակը թվով 1.100-ի, մասնավորապես՝ արտադրության ոլորտում, և ինչու ոչ, մատակարարել իր արտադրանքը արտաքին շուկա:

Մեր հիմնական նպատակներ են՝ ընկերության բիզնեսի զարգացումը ռազմավարական ուղղություններով, դիրքերի և առաջնորդության ամրապնդումը գործունեության բոլոր ուղղություններով:

 

Մեր գործընկերները

Հարկ է նշել, որ ՎԵԳԱ ընկերության բուռն գործունեությունն ու կայուն աճն անհնարին կլիներ առանց ընկերության հուսալի գործընկերների, որոնց շարքում են համաշխարհային հայտնի արտադրողներ՝ LG, BERG, ELECTROLUX, SAMSUNG, HOBEL, SKYWORTH, SHIVAKI, APLLE, HANSA, XIAOMI և այլն:

Մեր գործընկերներն են նաև բանկերը և վարկային կազմակերպությունները, որոնց շարքում են ՝ INECOBANK, UNIBANK, ACBA-CREDIT AGRICOLE BANK, VTB BANK ARMENIA, ARMECONOMBANK, CONVERSE BANK, ARTSAKHBANK, AMERIABANK, ID BANK, ARMSWISSBANK բանկերը, ինչպես նաև SEF INTERNATIONAL  և CREDO FINANCE վարկային կազմակերպությունները:

 

Մեր սոցիալական պատասխանատվությունը

Իր գործունեության ընթացքում ՎԵԳԱ ընկերությունը հավատարիմ է մնում իր ստանձնած սոցիալական առաքելությանը և պարբերաբար մասնակցում բարեգործական մի շարք նախագծերի:

Բոլոր նախագծերն իրականացվում են, ինչպես ՎԵԳԱ ընկերության անմիջական միջոցներով, այնպես էլ աշխատակիցների անհատական հանգանակությունների շնորհիվ:

 

Մենք և շրջակա միջավայրը

Մեր ընկերությունը պատասխանատվության բարձր աստիճանով է վերաբերվում շրջակա միջավայրի պահպանության և բարենպաստ բնապահպանական ֆոնի պահպանման ցանկացած հարցերի լուծմանը Հայաստանում:  

Մենք հանդես ենք գալիս, որպես մի շարք սոցիալական և բնապահպանական ուղղվածության  միջոցառումների և ակցիաների նախաձեռնողներ, հովանավորներ և ակտիվ մասնակիցներ: Օրինակ՝  բնակչության, օգտագործումից դուրս եկած, բջջային հեռախոսների և սմարթֆոնների ընդունման և պահպանման կազմակերպում, Հայաստանում «Մաքրության համաշխարհային օրվա» անցկացում, նվիրատվություններ՝  Armenia Tree Project  բարեգործական հիմնադրամին՝  լրացուցիչ 1000 տնկիների համար Հայաստանում յուրաքանչյուր տարվա անցկացվող ծառատունկի նպատակով, աջակցություն կամավորական կազմակերպություններին՝  պլաստիկից և թղթից թափոնների առանձին հավաքման և վերամշակման, հին մարտկոցների խոտանման  նախագծերի իրականացման գործում և այլն: Տվյալ բնագավառում մենք մեծ հաջողությամբ համագործակցում ենք ՀՀ Բնապահպանության նախարարության, WWF Armenia և այլ հասարակական բնապահպանական կազմակերպությունների հետ:.

 

Հովանավորչական ծրագրերը

ՎԵԳԱ-ն «ՈՒՐԱՐՏՈԻ»  բասկետբոլի թիմի և  «ԱՐՑԱԽ» ֆուտբոլի ակումբի  տիտղոսային հովանավորն է: 

 

«Համազգային վստահության խորհրդի» կողմից ՎԵԳԱ ընկերությունը կրկնակի անգամ արժանացել է «էլեկտրոնիկայի և կենցաղային տեխնիկայի տարվա խանութ-սրահների ցանց» անվանակոչմանը: Ինչպես նաև ՎԵԳԱ–ն արժանացել է մի շարք պատվոգրերի և շնորհակալագրերի: