Նպատակ ունենալով նպաստել շրջակա միջավայրի պահպանությանը, բարելավմանն ու վերականգնմանն ուղղված համապատասխան ծրագրերի և միջոցառումների իրականացմանը և ցանկանալով նվազեցնել մարդու առողջության և շրջակա միջավայրի վրա վտանգավոր թափոնների բացասական ներգործությունը, Շրջակա միջավայրի նախարարությունը՝ ի դեմս դեմս գլխավոր քարտուղար Սերգո Աթանեսյանի և «ՎԵԳԱ ՈՒՈՐԼԴ» ընկերության` ի դեմս գլխավոր կառավարիչ Յուրի Աֆրիկյանի, կնքեցին համագործակցության հուշագիր։

Սույն հուշագրով ընկերությունը պատրաստակամ է՝ 

✅ընդունել սպառողների էլեկտրոնային սարքերի և սարքավորումների թափոնները, 

✅իրականացնել հավաքված Էլեկտրոնային սարքերի թափոնների տեսակավորում, մասնատում,

✅վերամշակել կամ ապահովել տեսակավորված էլեկտրոնային թափոնների վերամշակումը՝ սեփական ռեսուրսներով կամ այլ լիցենզավորված կազմակերպությունների միջոցով, 

✅Էլեկտրոնային սարքերի և սարքավորումների թափոնների վերամշակումից կամ օգտահանումից ստացված ֆինասական միջոցներին ավելացնել լրացուցիչ միջոցներ նույն չափով՝ դրանք ուղղելով անտառպատման և անտառվերականգնման աշխատանքներին,

✅պահպանել թափոնների գործածության վերաբերյալ ՀՀ օրենսդրությամբ սահմանված պահանջները։

Մանրամասները՝ http://www.mnp.am/news/vega-world-06-2024