Ուրախությամբ տեղեկացնում ենք, որ Երևանի քաղաքապետարանի, Փարիզի տարածաշրջանային ինստիտուտի (L'institut Paris Region), AFD-ի և Région ile de France-ի հետ համատեղ Վեգան մեկնարկում է նոր էկոլոգիական ծրագիր՝ ուղղված էլեկտրոնային թափոնների կառավարմանը։

- Ծրագրի մեկնարկը՝ օգոստոսի 9-ին

- Տևողությունը՝ 3 ամիս

✅Մեր հերթական հանդիպումը կկայանա հոկտեմբերի 11-ին հետևյալ գրաֆիկով՝ 

- ժամը 15:00-15:30 - Արաբկիր, Մերգելյան այգու ցայտաղբյուրի մոտ

- ժամը 16։00-16։30 - Դիանա Աբգարի անվան այգի (Մալիբուի այգի)

Ծրագրի նպատակն է կարճ ժամանակում ապահովել էլեկտրոնային թափոնների վերահսկելի ու տեսակավորված հավաքագրում Երևանի հասարակական վայրերում։

Հատուկ կահավորված կետերում տեղադրվելու են 4-ից 5 տեսակավորման արկղեր՝ յուրաքանչյուրն իր ճշգրիտ նշանակությամբ։

Նախատեսվում է ընդունել հետևյալ տեսակի էլեկտրոնային թափոններ՝

✅Մարտկոցներ

✅Բջջային հեռախոսներ

✅Խոհանոցային սարքեր (ներառյալ միկրոալիքային վառարաններ)

✅Այլ փոքր չափսի էլեկտրոնային իրեր

Նշենք նաև, որ տեղում մշտապես ներկա կլինեն հատուկ պատրաստված աշխատակիցներ՝ օգնելու և վերահսկելու թափոնների ճիշտ դասակարգման և փոխանցման գործընթացը։ Մենք հավատում ենք, որ պատասխանատու վերաբերմունքը շրջակա միջավայրի նկատմամբ սկսվում է փոքր քայլերից։ Այս նախաձեռնությունը ևս մեկ քայլ է դեպի մաքուր քաղաք և գիտակից հասարակություն։